Christine de Pisan: Belle, ce que j’ay requis

Christine de Pisan

(ca. 1364-1430)

 

Belle, ce que j’ay requis

 

Belle, ce que j’ay requis

Or le vueilliez ottroier,

Car par tant de fois proier

Bien le doy avoir conquis.

 

Je l’ay ja si long temps quis,

Et pour trés bien emploier,

Belle, ce que j’ay requis.

 

Se de moy avez enquis,

Ne me devez pas noyer

Mon guerdon, ne mon loier;

Car par raison j’ai acquis,

Belle, ce que j’ay requis.

 

Christine de Pisan poetry

fleursdumal.nl magazine

More in: Archive O-P, Pisan, Christine de